Euskal kulturaren eta gastronomiaren ikur
Kanpinetik 30 minutura, bisitatu Ezpeletako herri polita, kosta utzi eta barnealdean sartuta. Udalerri xarmangarri honek herri euskaldun tradizional baten ezaugarri guztiak biltzen ditu. Frontoia, lapurtar estiloko etxeak eta hain berezkoa den eskualdeko hirigunea aurkituko dituzu. Ezpeletako herria bereziki ezagun egin da bertako piper famatuari esker; sukaldari handienek ere erabiltzen dute beren platerak prestatzeko. Ezpeletak giro eguzkitsu eta beroan hartuko zaitu. Hara-hona ibili kaleetatik eta joan denda, jatetxe eta terrazetara bertako produktuak eskuratzeko edo Ezpeletako sukaldari famatuek prestaturiko plater goxoak dastatzeko. Halaber, herriko espezialitate gastronomikoetako bat probatu ahalk izango duzu: Ezpeletako piperrez egindako txokolatea. Piperraren zapore biziak txokolatearen gozotasuna modu atseginean areagotzen duela ikusiko duzu.