Herri euskaldun tradizionala kanpinetik gertu
Herri txiki tradizional baten adibide bikaina dugu Sara, ohiturak eta ondarea gorde baititu bisitariei ateak zabaldu arren. Kanpinetik ordu erdira dagoen Sara Euskal Herriaren iparraldeko oso herri polita da. Toki paregabea "Frantziako herri ederrenetarikotzat" jotzen da, eta ondo merezia du titulu hori. Bertako eraikinei eta kaleei dotorezia berezia darie. Benetan liluragarria da batez ere lehenbizikoz bisitatzen dugunean Sara. Herri euskaldun tradizionala izanik, pilotan jokatzeko frontoia aurkituko duzu elizatik eta udaletxetik ez oso urruti. Herria bisitatzean xehetasun txiki ugari ikus daitezke. Esate baterako, Sarako arropa-garbitegia: gaur egun abandonatuta dago eta inguruko landarediak estali du garbitegia. Erdi Aroko zubiak dira duela zenbait mende egiten zuten modu berean urak zeharkatzen dituzten bakarrak. Sarako ateburuetan grabatuak zuzenean daude zizelkatuta etxeetako fatxadetan, eta duela urte asko toki honetan zegoen bizimoduaren oroigarri dira.
"Saran astia" dio esaera zahar batek, noizbait herrian entzuna. Saratik jende ospetsu ugari igaro da: Napoleon III eta Eugenia, Eduardo VII.a Erresuma Batukoa eta Winston Churchill, Pierre Loti eta Luis Mariano.
