Erreserbatu 2021ean konfiantzaz: Aldaketa eta ezeztapenaNeurri sanitarioak
Kanpina 03/26tik 2021/11/02ra irekia
Camping Airotel dans le Pays Basque
Détendez-vous dans notre piscine Détendez-vous dans notre piscine
Venez découvrir le Pays Basque Venez découvrir le Pays Basque
Offrez-vous un instant de détente Offrez-vous un instant de détente
Réserver

Maiz egiten diren galderak

COVID Informazioa :

Zeintzuk dira COVID-19a dela eta kanpinean jarri diren neurri sanitario zehatzak?

Zure ongizatea eta segurtasuna eta baita taldearena, gure lehentasuna direla ziurtatzen dizugu.

  • Mesedez, segurtasun neurriak errespetatu itzazu eta geziak jarraitu leku itxietan.

  • Gel hidroalkolikoen banatzaileak aurkituko dituzue kanpinean zehar instalatuak.

Zure iritsiera baino lehen:

  • Zure erreserba bukatzeko, saldoa iritsi baino 20 egun lehenago ordaindu behar da.

  • Iritsi aurretik gurekin harremanetan jartzea eskertzen dizuegu maindireak, eskuoihalak, edota haurtxoen kita (sehaska, aulkia eta bainuontzia) behar badituzu erreserbatzeko.

Zure iritsieran:

  • Harrera plexiglaseko kristalez eta gel hidroalkoholikoz hornituta dago.

  • Familia bakoitzeko pertsona bakarra gonbidatuta dago harreran sartzera, giltza, mapa eta eskumuturrekoak berreskuratzeko.

  • Mobilhome-ra iritsierak arratsaldeko 16:00etatik 20:00etara egiten dira (ordutegi honetatik kanpo, kontsultatzea eskatzen dizugu). Ezin da 16:00ak baino lehenago mobilhome-ra iritsi etxea garbitu eta desinfektatzeko behar den denbora uzteko.

  • Partzeletara iritsierak 14: 00etatik aurrera egiten dira.

  • Harreran maskara erabiltzea derrigorrezkoa da.

Igerilekuak:

  • Igerilekuak 10:00etatik 20:00etara daude irekiak eta eskuragarri.

  • Sarreran distantziatzeko eta edukiera mugatzeko neurriak aplikatuko dira.

  • Igerilekuek egunero kontrol sanitarioak izaten dituztela eta inguruko espazioak desinfektatzen direla jakinarazten dizuegu

  • Eskuoihalak familia bakoitzaren artean metro bateko espazioa errespetatuz jarri beharko dituzue.

Jatetxea:

  • Bertan jateko zabalik egongo da eta baita eramateko ere.

  • Kartak mahai bakoitzean erabilera bakarrerako laminatuak daude.

  • Metro bateko tartea egongo da mahaien artean, 10 lagunentzako mugatuta eta aurretik erreserba eginez.

  • Barruan maskara erabiltzea derrigorrezkoa da.

Dendan:

  • Beharrezko produktu guztiak, ogia eta opilak zure esku egongo dira dendan. Segurtasun distantziak errespetatzea eskatzen dizuegu.

Sauna:

  • Espazio txikia denez, itxita dago.

Mobilhome ostatua:

  • Bezeroek egindako garbiketaren ondoren, gure taldeak garbiketa egiaztatuko du eta Covid 19 ziurtagiridun produktu batekin mobilhome-ak desinfektatuko ditu.

Bainugela blokeak:

  • Bainugelak erabili aurretik, gel hidroalkolikoa erabiltzea eskatzen dizuegu.

  • Barruan maskara erabiltzea derrigorrezkoa da.

  • Segurtasun neurriak errespetatzea eskatzen dizuegu.

  • Ezingo da korridoreetan geratu, kanpoan txanda itxaron beharko da.

  • Bainugelak egunean hainbat aldiz desinfektatzen dira.

Irteeran:

  • Irteerak goizeko 10:00ak baino lehen egin behar dira derrigorrez. Joan aurretik mobilhome-a garbitzea eta aireztatzea eskatzen dizuegu.

  • Giltzak harreran entregatzen dira irten aurretik.

Erreserba bertan behera utzi al dezaket COVID-19-a dela eta?

COVID-19a dela eta egonaldia bertan behera utzi behar bada egoera hauetako batean:

- Zu edo zure lagunetako bat COVID positiboa izan da edo irteerako unean positibo batekin kontaktuan egon zara. (Frogarekin)

- Estatuaren edo eskualdearen konfinamendua gobernuaren dekretuaren bidez.

- Zure eskualde edo herrialdearen eta kanpineko eskualdearen arteko mugak ixtea.

- Kanpinaren administrazio itxiera.

Egonaldia bertan behera utzi dezakezu espero duzun etorreraren egun bera arte eta doako data aldaketa edo Itsas Mendi kanpinean bi urtez baliogarri den ordaindutako zenbatekoaren bonua izan dezakezu.

Kapina :

Barbakoak onartzen al dira?

Barbako kolektiboak dauzkagu, zure eskura eta doako sarbidean.

Partzeletan gas edo ikatz barbakoak soilik daude baimenduta, inguruko partzelak molestatu gabe. Barbakoa edo plantxa elektrikoak ez dira onartzen.

Jatetxea/taberna/igerilekuak irikiak al daude denboraldi baxuan?

Bai. Jatextea, taberna eta igerilekuak irekiak daude kanpina irekia dagoen bitartean.

Igerilekuak egunero daude irekiak 10:00etatik 20:00etara.
Igerileku estali eta klimatizatua kanpina irekia dagoen bitartean irekia dago eta txirristak dituen kanpoko igerilekua baita ere, eguraldi baldintzen arabera.

Zein ordura arte sartu naiteke kanpinera?

Sarrerako atea, uztailean eta abuztuan 23:00etatik 7:00etara ixten da.

Larrialdi kasuan eguneko 24 orduetan atera daiteke.

Nire umea adingabea da eta bere lagunekin egun batzuk pasatzera etorri nahi du kanpinera. Posible al da?

Ez, helduekin lagundu gabe dauden adingabeen egonaldiak guztiz debekatuak daude.

Adingabeak, bere gurasoekin edota bere legezko tutorearekin lagunduta egon behar dute derrigorrez.

Bisitariak onartzen al dira kanpinean?

Bisitariak onartzen dira kanpinean, iristerakoan harreran aurkeztu beharko dira.

Bisita zerga ordaindu behar dute kanpinera eta bere azpiegituretara sartu ahal izateko.

Garbitegi bat al dago kanpinean?

Bai, garbitegiak dauzkagu sanitarioetak kokatuak, fitxa eta txanponekin funtzionatzen duten garbigailu eta lehorgailuekin. Fitxak harreran erosi daitezke, garbigailu fitxa 4.50€ eta lehorgailu fitxa 3.50€.

Lisaburdin alokairua eskuragarria harreran.

Igerilekuetan galtza motzak onartzen al dira?

Ez, galtza motzak eta bermudak debekatuak daude arrazoi higenikoak direla eta.

Igerilekuetara sar al naiteke kanpinean egon gabe?

Ez, igerilekuak kanpineko bezeroentzako dira bakarrik erabilgarriak.

Hauek, pultsera bat eraman behar dute identifikazio azkarra ahalbidetzeko eta, beraz, guztien erosotasuna eta segurtasuna bermatzeko.

Igerilekua berotua al dago?

Bai, kanpinak igerileku estali eta berotu bat du.

Wifi konexioa al dago kanpinean?

Bai, wifi sarea badago, dohainik eta kanpin guztian erabilgarri. Partzela bakoitzeko 2 aparaturentzat.

Zein datetan dago irikia kanpina 2021ean?

Kanpina 21/03/26etik 21/11/02ra dago irekia aurten.

Zein da harreraren ordutegia?

Harrera 8:00etatik 20:00etara dago irekia. Eta 8:00etatik 21:00etara ekaina eta uztailan.

Zure esanetara gaude, informazioa eskaintzeko eta aholkua emateko ahalik eta modu eraginkorrenean.

Nola jarri zuekin harremanetan?

Kanpinarekin zuzenean harremanetan jarri nahi baduzu:

-Telefonoz: Erreserba zerbitzuarekin +33 5.59.26.56.50 telefonoan
-Posta elektronikoaren bidez: contact@itsas-mendi.com

Erreserba :

Zer da turismo zerga?

Turismo zerga udalak finkatzen duen zerga bat da eta udalari ordaintzen zaiona. 2021ean 0,51 eurokoa da eguneko eta heldu bakoitzeko (18 urtetik aurrera).

Haurrak eta haurtxoak zenbatzen al dira alokairua hartzeko jende kopuruan?

Bai, gure alokairu eta partzeleko gehienezko edukierak egonaldian parte hartzen duten guztiak biltzen ditu, haurrak eta haurtxoak barne.

Nola erreserbatu alokairu edo partzela anitz?

Erreserbak pertsonalak dira. Familia bakoitzaren datuak eta bakoitzak nahi duen ostatu mota bidali ahal diezagukezu posta elektronikoz. Ahal den guztietan gerturatzen saiatuko gara baina ezin dugu hori bermatu, erabilgarritasunaren arabera izango da.

Erreserba bertan behera utzi al dezaket?

Sarrera data baino gutxienez 20 egun lehenago egindako edozein ezeztapenetan ordaindutako zenbatekoa itzuliko da 45 €-tako gastua kenduta (20 € erreserba gastuak + 25 € ezeztapen gastuak).

Sarrera data baino 19 edo 10 egun bitartean lehenago egindako ezeztapenengatik, egonaldiaren zenbatekoaren % 50a itzuliko da.

Sarrera data baino 10 egun lehenago baino gutxiago egindako ezeztapenengatik, ordaindutako egonaldiaren zenbatekoa galduko da.

Irteera goiztiarra edo berandu iritsiz gero, egonaldi osoa ordaindu beharko duzu, epeak zure kontratuan aipatutakoak izanik. Ez da itzulketarik egingo.

Zenbat pertsona onartzen dira gehienez alokairu / partzela bakoitzeko?

Maizterren kopuruak ezin du ostatu ahalmena gainditu (haurrak barne).

Partzelak, gehienez 6 pertsona eta auto bat egoteko diseinatuta daude.

Nire kokapena aukeratu al dezaket?

Zure eskaera iruzkinetan egin dezakezu erreserba egiterakoan (zenbakia, jolastokietatik gertu, igerileku ondoan, etab.). Ezin dugu hori bermatu, baina ahal dugun guztia egingo dugu, erabilgarritasunaren arabera zure itxaropenak asetzeko.

Asteko edozein egunetan iritsi al naiteke?

Bai, denboraldi baxuan erabilgarritasunaren arabera.

Uztailean eta abuztuan, alokairuko egonaldiak gutxienez 7 egun iraun behar du. Sarrerak / irteerak larunbatean, igandean edo asteazkenean egiten dira.

Partzela batera bazatoz aukeratutako egunean irits zaitezke. Uztailean abuztuan, egonaldiak gutxienez 4 gauekoa izan behar du, erabilgarritasuna ez badugu behintzat.

Egonaldia aldatu al dezaket?

Egonaldiaren datak doan alda ditzakezu, erabilgarritasunaren arabera, honetarako jar zaitezke gurekin harremanetan telefonoz edo posta elektronikoz.

Nola erreserbatu?

Zure erreserba egiteko moduak:

-Gure webgunean, alokairuak edo partzelak eta datak aukeratuz eta softwarean erreserba urratsak burutuz.

-Telefonoz, zuzenean erreserba zerbitzuarekin +33 5.59.26.56.50 telefonoan

-Posta elektronikoaren bidez informazio guzti hau adieraziz: Izen eta abizena, helbide postal osoa, posta elektroniko helbidea, matrikula zenbakia, pertsona kopurua eta umeen adina, alokairu eta gela kopuru nahia edo ekipamendu neurria partzelentzat.

Ordainketa :

Zeintzuk dira onartutako ordainketa moduak?

Onartutako ordainketa moduak Visa, Mastercard eta esku-dirua dira.

Nola erabili dezaket nire kreditua?

COVID-19 dela eta 2020ko baliogabetze baten ondoren bonu bat baduzu, hona hemen jarraitu beharreko pausoak, webgunean erreserba egitean COVID-19 bonua erabili ahal izateko.

- Erreserbatu ezeztatutako egonaldiaren izen berarekin (bestela gurekin harremanetan jarri)

- Ordainketa egitean, aukeratu ordainketa modua "COVID-19 bonua".

Zure erreserba eskaera jaso ondoren, zure bonuaren zenbatekoa erabiliko dugu erreserba berriaren zenbatekoa, edo zati bat ordaintzeko.
Ondoren, zure erreserba balioztatzeko, mezu elektroniko bat bidaliko dizugu gordailuaren gainerako zenbatekoa edo ordaindu beharreko saldoarekin.

Noiz ordaindu behar dut nire saldoa?

Erreserba berresteko, egonaldi osoaren% 25eko fidantza eskatuko da erreserba egin eta 10 eguneko epean.

Egonaldia iritsi baino 20 egun lehenago kitatu behar da, bestela erreserba bertan behera utziko da.

Nola ordaindu dezaket nire egonaldia ?

Ordainketa egiteko moduak:

- Webgunean kreditu txartelarekin (ordainketa segurua): erreserba gestioak, idatzi zure abizena eta bidali dizugun berrespen emailaren eranskinean aurkituko duzun Interneteko erreferentzia.

- Telefonoz : zuzenean erreserba zerbitzuarekin 05.59.26.56.50 telefonoan

Kanpin partzelak / Alokairuak :

Zertaz hornituta daude kanpineko sanitarioak?

Gure 5 bloke sanitarioak (denboralditik kanpo berotutako 2 barne) PRM komunak, haurtxoentzako dutxa kabinak / haurrentzako komunak, autokarabanentzako hustuketarako gunea, garbigailuak (gehigarria) eta lehorgailuak (gehigarria) dituzte.

Zer entxufe mota daukate partzelek?

Partzeletarako Europako entxufea edo egokitzailea ekartzea eskatzen da.
Alokatzeko aukera dago bertan: 0,50 € / gaua. (20 € -ko fidantza eskatuko da)

Partzela bakoitzean ura eduki al dezakegu?

Kanpin guztian banatutako 5 instalazio sanitarioetan ur puntuak daude. Autokarabanen eta karabanen tankeak betetzeko gunea ere badago.

Partzelak konexio elektrikoa al daukate?

Bai, partzela guztiek elektrizitatea (10 A) dute. Erosotasun handiago bat lortzeko, luzapen bat ekartzea komeni da.

Zenbat neurtzen dute kanpineko partzelek?

Partzelek 80 m² inguru neurtzen dute.

Terrazak estalita al daude?

Belharra, Parlementia, Lafitenia, Cenitz eta Loya alokairuek zurezko terraza erdi estalia dute.

Alcyon, Mayarco eta Uhabia-Handi alokairuek egurrezko terraza ez estalia dute.

Marinela alokairuek harlauza terraza dute.

Itzalkina al dago hornituta alokairuetan?

Alokairu guztiak lorategiko altzariz hornituta daude (mahaia, aulkiak edo bankuak eta 2 etzaulki). Belharra, Parlementia, Lafitenia, Cenitz eta Loya etxe alokairuek egurrezko terraza erdi estalita dute itzala emateko, beraz ez dute itzalkinik. Marinela, Alcyon, Mayarco eta Uhabia-Handi alokairuek itzalkin bat dute.

Egonaldiaren amaierako garbiketa nire erreserban barne al dago?

Ez, alokairua zuk garbitu behar duzu irteten zarenean. Irteera baino lehen 60 €ko garbiketa gastuaren osagarria erreserbatu dezakezu, erabilgarritasunaren arabera.

Bigarren ibilgailu bat aparkatu al dezaket alokairutik gertu?

Abuztuan, uztailean, bigarren ibilgailua aparkatzea posible da (osagarria): erabilgarritasunaren arabera.

Kanpinean aparkatzeko lekuak baditugu baina ez beti alokairutik gertu.

3 logela dituzten 6 lagunentzako Belharra alokairuetan 2 ibilgailu daude erreserbaren barne.

Aire girotuta al dago alokairuetan?

Ez, alokairuetan ez dago aire giroturik. Bero oso indartsua ez dagoen eskualde batean gaude (aparteko bero boladak izan ezik), ozeanoko airea aprobetxatzen dugu.

Haur kitak al dituzue?

Haurtxoentzako kit alokairua eskaintzen dugu: aulki altua, sehaska eta bainuontzia (erabilgarritasunaren arabera) prezio honetara:

30 € / kit / astean
4,50 € / kit / egun
2 € / artikulu / egun

Aldez aurretik erreserbatzea gomendatzen da.

Maindireak eta eskuoihalak barne al daude alokairuetan?

Ez, maindireak eta eskuoihalak ez daude alokairuan barne.

Bertan ere aloka ditzakezu erabilgarritasunaren arabera:

- 80ko oheko maindire kita (2 maindire + burko-zorro 1): 15 €
- 140ko oheko maindire kita (2 maindire + 2 burko-zorro): 18 €

- 80ko oheko kit osoa(2 maindire + burko zorro 1 + bainu eskuoihal 1 + eskuoihal 1): 22 €
- 140ko oheko kit osoa (2 maindire + 2 burko-zorro + 2 bainu eskuoihal + eskuoihal 1): 28 €

Aldez aurretik erreserbatzea gomendatzen da.

Telebista al dago alokairuan?

Bai, gure alokairu guztiek telebista bat daukate.

Nola ekipatuta daude alokairuak? Eta zer ekarri behar dut?

Gure alokairuak ontziteriz hornituta daude eta burkoak eta mantak badaude, ohe kopuruaren mugan.

Gogoratu zure maindireak (140 ohe bikoitza eta 80 banako ohea) eta eskuoihalak ekartzeaz, barne ez daude almokairuan. Bertan ere aloka ditzakezu.

Zer egin adierazitako orduetatik kanpo iritsiz gero?

Berandu iristeko baimena dago 21:00ak arte. Kanpinean lagunak edo senideak edukiez gero, giltzak haiek jaso ditzakete harreran.

Animaliak onartzen al dira?

Animaliak erabat debekatuta daude alokairuetan.

Partzeletan baimenduta daude, lotuta eramanda. Beti jabearekin batera egon behar dute eta honek ez du inolako arrazoirengatik abandonatu behar bere animalia. Jabeak nahitaez aurkeztu behar du txertoen erregistroa eta animali zerga ordaindu beharko du.

Zein dira sarrera eta irteerako orduak?

Alokairuetarako:

-Iritsi 16:00etatik aurrera eta 20:00ak arte. Ostiral arratsaldean 21:00ak arte.

Irteerak goizeko 10:00ak baino lehenago dira.

Partzeletarako:

-Iritsi 14:00etatik 20:00ak arte. Ostiral arratsaldean 21:00ak arte.

Irteerak eguerdiko 12:00ak baino lehenago dira.

Denboraldi baxuan berandu irteteko aukera (late check-out gehigarria), aldez aurretik harrerarekin adostuta eta erabilgarritasunaren arabera.

> Nous situer <
Camping Itsas mendi

Quartier Acotz
115 chemin Duhartia
64500 SAINT JEAN DE LUZ
Nouvelle Aquitaine - France

Tél: +33 (0)5 59 26 56 50
E-mail: contact@itsas-mendi.com